Witzig

30. Juni 2011 at 22:38 (Witze)

Hihi ich han eu mal wieder än kline Witz.. 😉

Wie viele Schafe haben sie ? Fragt ein Spaziergänger den Schäfer.

„Der Schäfer antwortet: Keine Ahnung! Jedes mal, wenn ich anfange zu zählen, schlafe ich ein!“

so.. wer schnarrcht jetzt scho? 🙂 Gute Nacht allen.. bis hoffentlich zum nächsten Beitrag *gg*

Advertisements

Permalink Schreibe einen Kommentar

Sommerpics – Sonnenseite und Schattenseite

26. Juni 2011 at 13:07 (Fun)

Ich han mal wieder äs paar Pics! 😉 Isch eifoch ä Föteli sammlig vo de letschte Wuche..
Die erste paar Bilder sind entstande als äs Gwitter cho isch.. und die am Schluss sind vo Hüt.. Wills au eifoch traumhafts Wetter isch! 🙂

Viel Spass bim agugge…



Hoffe ich han euch bitzeli die Stimmige könne übere bringe… 😉

Permalink Schreibe einen Kommentar

Alle Jahre wieder..

22. Juni 2011 at 21:01 (Was mi grad bewegt)

Sit bald knapp 2Mönet bestoht jetzt än Channel zu dem Blog ufme IRC .. und da ich ja scho länger aktiv bin im IRC, konnts mer au damol wieder so vor.. wie wenn sie all die „problem“ durend wöret wiederhole. Isch ja irgendwie schad.. oder muss das so sie? *euch frag*
Mich persönlich nervts extrem.. so vergot einem jeglichi lust no was „ufzbaue“ und sich für was isetze.. :/

Händ ihr au scho so erfahrige gmacht? Was händ ihr i so Situatione tue? 🙂
(ihr könnt mir gern do schribe.. oder im IRC verbiigüggsle 😉 )

Permalink 1 Kommentar

Witzig

19. Juni 2011 at 23:54 (Witze)

Vater und Sohn machen eine Radtour. Dabei sieht der Papa wie der Sohnemann eine Biene überfährt. Der Vater wird sofort erzieherisch wirksam und eröffnet dem Sohnemann: „Du hast gerade eine Biene überfahren, ein Lebewesen. Ab Sofort darfst du drei Wochen keinen Honig mehr essen.“

Während der Vater diese Worte spricht, überfährt er selber einen kleinen Vogel. Darauf der Sohn: „Muss ich das Mutti sagen, oder machst du das selbst?“

Jaja.. das Leben is nid einfach für Väter oder warens Männer?… 😉 *fiesgrins*

Permalink Schreibe einen Kommentar

Witzig

18. Juni 2011 at 02:16 (Witze)

Chef: „Warum kommen Sie heute so spät zur Arbeit?“
Angestellter: „Weil Sie gestern sagten ich solle die Zeitung gefälligst zu Hause lesen…“

Sölli das au mal usprobiere? 😉 wär sicher no spannend zum d’reaktion vom Chef z’beobachte!! 🙂 oder was meinet ihr däzuä? *gg*

Permalink Schreibe einen Kommentar

Chattreff und TwibiSG

16. Juni 2011 at 20:26 (Fun)

Wie ihr viellicht wüsset isch am letschte Ziischtig ebe das TwibiSG gsi.. (woni fascht ha müsse uftauche ;o) ) so hani dänkt me könnts grad mitme Chattreffe verbinde.. hihi *grins*
Und zwar han ich den 2 (Rynam und noxis) us mim Channel gfröget öbs Interesse hättet zum mitcho.. da sie ja eh us de Region sind. 😉 (NEI i han sie NID zwunge han sie ganz liäb gfröget! *gg* )
Ich muss säge isch ä lustigi sach gsi.. vorallem bis mer üs am Bahnhof mal gfunde händ 😉 (mir wäret eigentlich fast nebetänand gstande).. doof isch halt wenn mer änand nid kennt oder willi z’chlii bin?! ^^ Aber hät ja am schluss klappet! Also sind mir zäme losquatschlet i die Beiz wo das TwibiSG stattgfunde hät. (hät natürlich müsse regne.. und isch au ä ding für sich gsi .. 😉 meh verroti do mal nid) Ufallfäll sind mir den i dere Beiz uftaucht (hät leider scho extrem viel Lüüt dörte gha.. und da mir ja extrem schüüch sind *gg* ) Mir sind den ganz ruhig häreghocket .. und händ VERSUÄCHT was z’bstelle.. (das isch imfall nid so eifoch wiemer meint!) Naja mir händ den mal Spiiskarte bstellt, für 3 Lüüt.. becho händ mer 2 und eini dävo isch LEER gsi! Das muss mer sich mal vorstelle! 😛 ( nur mir händ leider kei Pic’s gmacht *grml* ) Mir händ den au gaanz viel neui Lüüt kenneglernt (irgendwie weissi nur grad kein Name meh) 😛 *kurzziitgedächnishab* .. Isch ufallfäll Spannend gsi mal die Lüüt z’treffe und gseh was so hinterem Nick steckt! 😉

Ich hans mega lustig gfunde und werd warschiendlich nögstmol wieder däbi si! 😉 Mal gugge wer no mitchunt..  Oder i frag mal direkt.. wer chunt wieder mit? 🙂 (vorallem sind jetzt die us mim Channel #Piipsi agsproche!) 😉

Also ich kann das ganze nur witterempfehle !!! Infos zu dem ganze findet mer unter TwibiSG.ch .. 🙂

Permalink 7 Kommentare

Witzig

13. Juni 2011 at 10:29 (Witze)

Hab den zwar schon oft gelesen… aber stell ihn jetzt doch mal hier rein! 😉

„Als ich noch jünger war, hasste ich es, auf Hochzeiten zu gehen.
Meine beiden Grossmütter und alle möglichen Tanten drängten sich immer um mich, piekten mich in die Seite und kicherten: „Du bist der Nächste! Du bist der Nächste!“
Sie haben erst mit dem ganzen Mist aufgehört, als ich anfing, bei Beerdigungen das selbe zu machen!“

Fies.. aber wirkungsvoll! :p

Permalink 1 Kommentar

De Heiweg

9. Juni 2011 at 18:36 (Was mi grad bewegt)

Isch das hüt än Tag gsi .. kanni däzuä nur säge.. 😉
Am Morge afange schaffe.. mensch ein stress und hektik.. (*grml* magi voll nid) naja isch ja egal *gg* s’ufmunternde isch ja den am Abig cho.
Da ich ja ja söst immer mitem Postauto heifahre… hani das halt hüt au gmacht :p aber isch ä ussergwöhnlichi Stimmig gsi i dem Postauto! Bini so igstiege.. scho ä ganz fröhlichi Truppe Lüüt dine gsi us de verschiedenste Altersklasse.. 🙂 Postautochauffeur hät einem au scho fründlich begrüässt… also Grüässt mer au zrüg! 😉 Wie immer isch Barriere mal wieder dunne gsi *gg* Also warte..
Wo den das Postauto abgfahre isch.. hät än ältere Herr im Postauto än Kolleg gseh dusse.. isch ufgstande hätem wölle winke, nur hät de ander ihn den nid gseh.. also hät de Herr ad Schiebe klopfet.. und tatsächlich de dusse isch uf de dinne ufmerksam worde!! 🙂 so händ die 2 sich könne zuäwinke^^ De Postautochauffeur.. hät den so unerwartet gseit.. „händ sie wölle d’Schiebe ischlo?“ do druff hät de älteri Herr nur glächlet und gseit „Nei das häg er nid wölle..“ i han den nur no mitbecho wie die Postautochauffeur mit wittere Passagier gwitzlet hät vowege.. „öb de Herr echt Glaser usw sei“ 😉 (also voll witzig gsi).. denn paar Minute spöter lüütet äs Handy vomne junge Maa.. de nimmt hab und macht „Ja?“ und dänoh so.. „Ja ich bin i 10min adere Haltestell“ und wieder ufghänkt.. den de Postautochauffeur wieder am umewitzle gsi und macht so.. „Ja das Postauto hägi den kei Rückwertsgang.. also hätti nid könne retour fahre“ 😉 naja… ich han denn leider müsse usstiege.. wär gern no hocke blibe! 🙂

Ich bin am afang recht baff gsi.. vo dere ruhige und fröhliche Stimmig.. so hät also für mich än stressige Arbeitstag doch no äs gmüätlichs Endi gfunde! 😉 Hoffe so Erläbnis dörfi no meh erläbe .. eifoch z’genial gsi! 🙂 da mer jo eifoch a kline sache söll freud ha und sich erfreue..

Händ ihr au scho so Erläbnis gha? 😉

Permalink Schreibe einen Kommentar

Witzig

6. Juni 2011 at 21:11 (Witze)

Da mir’s im IRC eh vo so zügs gha händ..  bini wäretem umestöbere uf Youtube do uf was gstosse.. und denk das wärs grad für do im Blog 😉 (bitte nähmets nid z’erst oder füählet eu nid agsproche) 🙂

Permalink Schreibe einen Kommentar

Witzig

6. Juni 2011 at 05:54 (Witze)

Ein Taxi-Passagier tippt dem Fahrer auf die Schulter, um etwas zu fragen. Der Fahrer schreit laut auf, verliert die Kontrolle über den Wagen, verfehlt knapp einen entgegenkommenden Bus, schiesst über den Gehsteig und kommt wenige Zentimeter vor einem Schaufenster zum stehen. Für ein paar Sekunden ist alles ruhig, dann schreit der Taxifahrer laut los: „Machen Sie das nie wieder! Sie haben mich ja zu Tode erschreckt!“ Der Fahrgast ist ganz baff und entschuldigt sich verwundert: „Ich konnte ja nicht wissen, dass Sie sich wegen eines Schultertippens dermassen erschrecken.“ „Naja“, meint der Fahrer etwas ruhiger, „heute ist mein erster Tag als Taxifahrer. Die letzten 25 Jahre bin ich einen Leichenwagen gefahren.“

Irgendwie kanni mir das grad so Bildlich vorstelle.. 😉 *grins*

Permalink Schreibe einen Kommentar

Next page »