Feuerrot

29. Mai 2011 at 12:10 (Fun)

Ich han eu mal wieder paar Pic’s woni gmacht han.. vomne Sunneuntergang am Bodensee! 😉 Siäht mal wieder Speziell us! 🙂


Permalink 1 Kommentar

Tödliches Gemüse

29. Mai 2011 at 11:46 (Was mi grad bewegt)

Wie ihr sicher au alli mitübercho händ isch s’momentane Tagesthema do die EHEC-Bakterien. Das ja ä Entzündig im Darm verursacht und zu bluätigem Durchfall füährt. Vorallem afällig und schwere folge.. kanns bi Säugling, Kliikinder, älteri Mensche und Abwehrgeschwächti Mensche füähre. (Aber mal ehrlich.. das sind immer die erste wo bi jedere Krankheit z’erst dra sind..)
Das EHEC-Bakterien kunnt im Darm vo Wiederkäuer vor… (also Rinder, Ziegen, Schafe) aber auch Wildwiederkäuer (wie Rehe und Hirsche). Aber wie chunt das jetzt uf üses Gmüäs? Es wird ja vermüätet das es dur Gülle düngig uf üses Gmüäs cho isch. Momentan kann mer überall lese das mer das Gmüäs eifoch wäsche söll.. Nur nützt das? Woni mi vorher kli dämit befasst han.. hani müsse feststelle dases ebe nid langet.. Uf de sichere Site isch mer.. wenn mer’s Gmüäs kocht.. also gär nid roh isst! Also mal kli kreativ werde! 😉
Wieso ich eigentlich uf die Idee cho bi über das z’Blogge isch än bricht gsi woni glese ha.. wo anschienend s’Bio Gmüäs söll dra schuld si. (Was ich irgendwie kli falsch finde.. ) Jetzt wird wieder uf was umeghackt.. was eigentlich nur än kline teil isch vom Uslöser! Da ja Antibiotika die Krankheit nur verschlimmeret.. könnt mer ja druss schlüsse das die Bakterie de Wirkstoff kennet und ä Abwehrmittel erschaffe händ? 😉 Naja ich will jetzt do kei behauptige id Welt setze.. *gg* aber mir chunt das kli komisch übere…

Da sieht mer nur.. wie hilfslos d’Menschheit mal wieder isch gegeüber de Natur. 😉 Es isch zwar tragisch für die Betroffene..  aber hilft im allgemeine viellicht mal wieder das d’Mensche d’Auge öffnet! 🙂 (was ich zwar bezwiifle.. gwüssni schlimmi Ereignis vo de letschte paar Mönet, Jahr sind ja au wieder vergesse gange.. und wird glich witter gmacht wie bisher)
Bin mal gspannt wie sich das ganze no entwicklet! 😉

Permalink Schreibe einen Kommentar

Lustiger Spruch..

28. Mai 2011 at 09:26 (Witze)

hihi.. han mal wieder äs lustigs SMS becho .. und denkt das münder eifoch gseh! 😉

„Jedem Mann ist heut bekannt, auswärts vögeln ist riskant, und wer das nicht befolgen kann, hör auf den Rat von Zimmermann: Bürste niemals ohne Schläuche, denn Aids ist eine schlimme Seuche. Vor Aids kann sich nur der beschützen, der stets Kondome tut benützen. Wer stechen will’ne durfte Biene, der greift zur Nahkampf-Pelerine, dann kann man vögeln wie ein Spatz, und noch ein Tipp: Die Migros hat’s.“

hehe..  Einfach wildes rumgepiipse.. ne? ;o)

Permalink Schreibe einen Kommentar

Angriffslustige Murmeltiere

25. Mai 2011 at 17:12 (News)

Han mal wieder was lustigs gfunde ide 20min.. ich han mi echt müsse zämerisse ide Beiz dasi nid luut glachet han! 😉

und zwar folgede…

Jack Russell am Nufenen von Murmeltieren attackiert

Ein Jack Russel wurde am Nufenen im Wallis von Murmeltieren attackiert und verletzt. Eine Tessiner Familie, die im Gebiet unterwegs war, fand den verängstigten Hund und nahm ihn mit nach Bellinzona. Dort wurde er von einem Tierarzt untersucht. Das Luzerner Besitzerpaar konnte dank des elektronischen Chips gefunden werden – am Montag konnten sie ihren seit zwei Tagen vermissten Hund wieder in die Armen schliessen. “

Isch scho hart.. jetzt hämmer scho „killer Murmeli“ ;p es wär jetzt no interessant wieso die so agressiv sind? 😉 däbi hani immer gmeint Murmeltier sind ganz schüüch und zrughaltend.. *gg*

Oder händ ihr ä Idee? 🙂

Permalink Schreibe einen Kommentar

Abkühlung!

23. Mai 2011 at 20:03 (Fun)

Han bim ufruume grad äs Bild gfunde.. und denkt das passt grad voll zur jetzige Situation!

Und zwar das..

hihi händer au grad Lust druff? 🙂 Jaaaa natürlich uf ä Glace!! (aiaiai.. was händ ihr au wieder denkt?! 😉 )

Ich han das Bild vor paar Jahr uf de Insel Mainau gmacht..

Permalink Schreibe einen Kommentar

Geschützt: Eine nette Erkenntnis

23. Mai 2011 at 17:55 (Fun)

Dieser Inhalt ist passwortgeschützt. Um ihn anzuschauen, gib dein Passwort bitte unten ein:

Permalink Um die Kommentare zu sehen, musst du dein Passwort eingeben.

Tierhaltung?

21. Mai 2011 at 12:01 (Was mi grad bewegt)

Tierhaltig? Das isch doch immer so ä kritischs Thema, wo nid alli glich alueget.
hm.. ich schrib jetzt eifoch mol drüber.. will mer das Erlebnis vo geschter nüme usem Kopf gange isch..
Wo i so nachem schaffe heiglofe bin, bini dur ufgregts gepiipse ufmerksam wore, und sieh ufme Balkon so paar Wellensittich imne Käfig sitze.. (isch ja eigentlich nix tragisches *gg*) kein plan wiäni den uf das cho bin.. ufallfäll isch mer den nur so dur de Kopf  „Wieso piipse die so ufgregt?“ (oke.. Vögel wo umepiipse isch au nix ussergwöhnlichs! ich weiss.. :p) naja, han den bitzeli umegluäget und gseh das ä Katz ide nöchi sitzt und die ade pralle Sunne stönd. (es kann sich ja jede selber vorstelle wie sowas endet!?)  Ich han den hin und her überleit was ich tue söll.. eifoch witter laufe und nix dägliche tue? (hani irgendwie nid könne..) oder sölli d’Besitzer go ufmerksam mache? (bi ja nid so die wo so zügs macht..) Aber irgendwie sind mer die 2 Wellensittich wichtig gsi und han alles rundume vergesse.. Also hani min ganze Muet zämmekratzet und bin zu dene go schälle.. Äs hät mer den ä älteri Frau uftue und komisch gluäget. Woni ihre den aber gseit han das ihri 2 Wellensittich ade pralle Sunne stönd, hät sie den schnell verstande um was es got.. 😉 Sie hät sich denn fründlich bedankt und gmeint.. „Sie seiet mal am Schatte gstande.. aber sie hägi sich nid g’achtet das sie jetzt scho ade Sunne stönd“..
So bini beruhigt wieder gange.. nur diheime bini den wieder kli is grüäble cho. Was wär passiert wenni nix gseit hätti? .. oder gitz no meh so vorfäll? wo niämert handlet?
Ich bin den kli im Internet umegsurft und han grad än Artikel gfunde ide 20min. Dä  anschienend nur paar Täg alt isch (wie hani sowas nur könne überseh? :/ *schääm*)
Äs got dört so um Hamster wo vermehrt im Spital lande.. will sie nid argerecht ghalte werde. Da vieli denke.. „Ja süäss das chline Ding..“ und das zu sehr verwöhnet mit Fuetter, Leckerli’s usw.. und sich so Hamster den liächt überfresset und z’dick weret. Leider denket au vieli das mer mit dene Tierli kann spiele usw.. nur sind die eher zum beobachte do.. (sind ja au Nachtaktiv) 😉
Und genau das verhalte oder passiert mit vielne andere Huustier au.. da au Kind viel vo Eltere so Huustier als Gschenk bechämit. Aber isch klar.. jedes Kind wünscht sich so äs Tierli! 😉 Und genau so schnell wie mer so äs Huustierli will, verflügt au s’Interesse dra. Leider zum leidwese vo dene Huustierli da sie nüme soviel ufmerksamkeit bechämit.. wie sie eigentlich brüchtet. Also nüme artgerecht ghalte werde und au nüme  beobachtet werdet.. und somit nüme erkennt wird wenn’s dem Tierli nüme guet got.

Was ich extrem schad finde.. wenn mer sich scho so ä Tier zuätuet sött mer sich au die Zit ne, drumkümmere und nid s’Interessa dra verlüre.. söst söll mer’s besser hocke lo… und Lüüt geh wo sich guet drum kümmere! Also machet euch vorher gedanke drüber.. nid erst im nochhinein! :/

Hoffe ich han euch bitzeli könne arege zum gedanke mache und euch das viellicht bim nögste Huustier kauf in sinn chunt! 😉

                              (Meh Infos auf 20min )

Witteri nützlichi Tipp’s zur Pfleg vo so Huustierli gits uf de Site vom Zürcher Tierschutz

Also ich han mer die Tipp’s alli mal düreglese und ich finds ä supper sach! 😉

Permalink 2 Kommentare

Stadtfest

13. Mai 2011 at 21:21 (Event's und Party's)

Bald isches wieder sowit.. zum 14.mol findet Stadtfest Rorschach statt. Und zwar isch de zweitägig Event am 27. und 28. Mai 2011. Wie immer wird uf 2 Bühnene für ä abwechsligsriichi Unterhaltig gsorget..

Also ich kann eigentlich de Event nur empfehle.. (au wenns irgendwie die letschte Johr nüme sgliche gsi isch wie früähner! ;p) es isch doch eifoch pflicht zum go.. *gg*
mal gugge wie’s da Johr wird.. ich bin sicher gspannt druff! 🙂

Und ihr sind au däbi? 😉

No meh Infos gits uf  Stadtfest Rorschach !!

Permalink Schreibe einen Kommentar

Sonnen oder Regen

12. Mai 2011 at 12:30 (Fun)

Han vor paar Täg mal no einigi Föteli gmacht wo es Gwitter vo Österreich/Rhintal her cho isch.. (also wörklich bi üs isch de Rege oder das Gwitter niä glandet) 😉
Sind no faszinierendi Föteli wore.. (äs sind alli vom gliche Tag/Obig.. eifoch vo zwei verschiedene richtige.. )




Irgendwie hät das eifoch gespängstisch usgseh.. 😉

Permalink Schreibe einen Kommentar

Lustige Erdbeere

11. Mai 2011 at 23:14 (Fun)

Also will ich im IRC verzellt ha ich häg äs Erdbäärli mit Bei.. händ notürlich alli gstürmt.. sie wöllet es Foti gseh.. was ich jetzt au gmacht han! (ich mache doch fascht alles für mini User ;o) )
Ich hoffe ihr könnt eu jetzt es bessers Bild vo dem mache! 🙂

Do paar Föteli däzuä…

Ps: Darfi das Erdbeerli jetzt esse? ich kann bald nüme wiederstoh!!! 😛

Permalink Schreibe einen Kommentar

Next page »