Sensation im Botanischen Garten

23. April 2011 at 08:28 (News)

Sit paar Täg lesi immer weder Sache über die sogenannt „Titanwurz“ .. und das es äs Osterhighlight im Botanischen Garten in Basel gäb will die genau ufs Osterweekend blüähe wird.
Hüt morge stolperi no halb verschlofe ide 20 Minute über die Schlagziile.. Der „Penis der Titanen“ blüht !
Ich persönlich weiss nid was alli adere Pflanze so schön findet.. oke a ihre grössi  könntis liege.. 😉 Aber mal um ehrlich z’si.. wer tut sich das amne traumhafte Osterweekend a.. und got ä Pflanze go aluäge.. die erstens nid wahnsinnig schön isch und zweitens Leiche riecht?.. naja mänges zügs muss mer nid verstoh! *grins*

Aber ich han natürlich für alli wo sich das Highlight nid entgo lo wönd.. au no was.. De Botanischer Garten der Universität Basel hät ä Webcam für die Titanwurz.. also chönd ihr die Pflanze gruchfrei gnüsse! 😉

I wünsch euch däbi viel Spass.. und kippet nid um ;p

Werbeanzeigen

Permalink Schreibe einen Kommentar

IRC-Alltag..

22. April 2011 at 22:13 (Was mi grad bewegt)

Mal chli was über mini Ziit im IRC…

Als ich s’erstmal im IRC gsi bi, isches no lustig gsi.. do hät mer könne umespinne aber au ernsti gspröch füähre.. spöter bini den dört i sebem IRC is Team cho.. au das isch ä kuuli erfahrig gsi! 😉 Es händ so Treffe statt gfunde.. meh hät die ganze Lüüt mal live kenneglernt. (vo de einte isch mer begeisteret gsi vo de anderne gschockt! ;o) ) also eigentlich hätti das so könne witter go wiä’s gsi isch! 😉 nur leider isch do druss nix wore.. wills de IRC gschlosse händ… 😦 *noch heute nachtrauer*
Naja nix desto trotz hani mir neui IRC’s gsuächt.. aber han nie meh sowas gfunde.. wie seb gsi isch.. bim einte hät mer sich verdammt igengt gfüählt hät fast nix meh dörfe tue.. (ich bruch doch mini freiheit) 😛 bimne andere hät mer was anders nid passt.. oder nur stressigi Lüüt druff… wieder bimne anderne, isch mer extrem igengt wore.. hät so guet wie nix meh dörfe mache.. isch alles immer falsch gsi was mer tue hät.. däzue isch cho.. dasi mi vo dem Admin zimlich missverstande gfüählt ha.. oder ungerecht behandlet.. (aber ich bruch halt mini freiheite!!! *Free Piipsi* ) 😉 und momentan fehlt mer zum teil eifoch de richtig isatz vom Team..  vielleicht liets ade entfernig vo  de Lüüt? anders Land? naja kein Plan.. meh als was säge oder drüber quatsche kann mehr nid! 😉 nur selber entscheidige treffe.. und handle! 🙂 dodruss isch au kli de Blog entstande.. will ich mir wieder ä beschäftigung gsuächt ha.
Leider kann mer d’Vergangenheit nid zrug hole.. meh kann nur s’beschti us de jetzige situation mache… oder versuäche 😉

Hoffentlich hät de Spruch kli was wohr’s a sich… 🙂

„Glücklich ist, wer vergisst, was nicht mehr zu ändern ist“

Und dodämit endet de Blogitrag mal…=)

Permalink Schreibe einen Kommentar

Lustige Idee!

22. April 2011 at 20:05 (Fun)

Also ich han das mal wieder ä lustigi Idee gfunde.. Han mir da so „Tempo“ Nastüächli (Taschentücher)  kauft.. han mir däbi eigentlich auch nix bsunderigs denkt.. willis eifoch kauft ha wills üsserlich lustig farbig usgseh händ! 🙂
Als ich die den so uspackt han.. hani uf de rücksiite.. ganz viel verschiedeni ussage entdeckt! 😉
Han euch dodävo natürlich au äs Pic gmacht…

Und jetzt jedesmol wenni die us de Täsche nimme und gseh.. motivierts mi wenni die Wort so lese.. 😉 Isch doch so än richtige ufsteller wenn mer die will benutze.. erfreu mi jedesmol! 🙂

I dem Sinn wünsch ich euch viel Spass  bim nächstemal wenn ihrs au mal bruchet! 😉 (bei was auch immer^^)

Permalink Schreibe einen Kommentar

Bodensee Träume…

21. April 2011 at 19:26 (Fun)

Hüt nochem schaffe bini mal spontan an Bodesee abe go gugge.. wieviel wasser de Bodensee überhopt no hät^^  Muss gestoh bin fast kli erstuhnt gsi.. so tüüf ischer nähmlich scho lange nüme gsi… 😉 (wenn mer as Thema vo gester denkt.. gots zwar wieder kli uf..)..
Ufallfäll bini so am See uneghängt… kli am pixxe gsi… und eifoch voll friedlich! Also besser kann mer äs Osterweekend überhaupt nid starte! ;o)
Da ich zerst no bim Kornhus düre glofe bin und de evtl Pegelstand gsuächt han.. isch mer was anders is Aug gstoche.. de Bodensee hät nähmlich bi üs 17 Grad!! das isch vo mir us gseh extrem warm für im April.. (normal im Summer isch er zwische 17-24 Grad (git au Täg woner no wärmer wird^^) Aber mit dene Temperature woner jetzt hät kann mer locker dri hüpfe.. was ich glaub am Weekend au no mache!! =)

So ha fertig glaferet… i han eu natürlich no paar schön erschreckendi Pic’s… 😉 Viel Spass bim gugge….


s’Ufer! (dört wo de Stei wiiss isch.. isch normal au Wasser)


äää Monsterwelle!!! 🙂 *flüüücht*


do hät mi wer wölle cho bsuäche… 😉

So das wär’s mal wieder.. 😉 hoffe hät eu bizzli gfalle… 🙂

Grüässli euches Piipsi

Permalink Schreibe einen Kommentar

Traumhaft’s Wetter!!

20. April 2011 at 17:47 (News)

Sunne, schön warm’s Wetter und  verlängerts Weekend! Was will mer eigentlich amene sone Osterweekend meh? 😉 Evtl no grilliere im Wald?!?
Leider fallt’s grilliere das Weekend is „Wasser“ .. will wege de ahaltende Trockeheit, fascht im ganze Land (also ide Schwiiz) Füürverbot gilt. Ich säg dodäzuä eigentlich nur.. *eifoch verdammt schaaaaad*!!

Wo isch grilliere no erlaubt?

Also ide Kanton: Graubünde, Tessin, Wallis, Waadt und Uri händs ä „Generelles Feuerverbot“ also heisst ziemlich trocke alles..

Ide Kanton:  St.Gallen, Appenzell Ausserrhoden, Aargau, Baselland, Basel-Stadt und Bern giltet ä „Feuerverbot für Wald- und Waldnähe“ . Das bedütet das mer ufem Balkon, Garte oder eifoch i besiedelte Gebiet witter grilliere darf.. hingege im Wald oder Wald nöchi isches verbote überhaupt mit Füür z’handiere.. bsunders ufpasse muss mer mit Zigarette!!
Aber das sött ja eigentlich allne klar si! 😉

Ide restliche Kanton isch au alles ziemlich trocke aber sind no kei verbot usgsproche worde.. es wird eifoch grote ufzpasse.

I ha hüt zu dem Thema scho vo einige so ghört.. wo meinet jaaa dä bööösi Klimawandel isch schuld usw.. nur denki so Trockeperiode häts scho immer geh und wirds au immer wieder geh!
Zwar hät de Bodesee scho recht wenig Wasser! Wie lang gots wohl no bis mer Wasser muss spare? 😉 ne d’scherz bisiite..^^

Oder was denket ihr alli so drüber? euri meinig isch au g’froget! 😉

(Ps: die Infos News.. sind hüt de ganz Tag im Radio glaufe.. ich chans nüme ghöre!!!) :p

Permalink Schreibe einen Kommentar

Dütschland Trip!

19. April 2011 at 19:00 (Was mi grad bewegt)

Wie  jo viellicht einigi vo eu wüsset.. hani ide letschte Ziit paar Reise unterno noch Dütschland. Ich muss ehrlich zuegeh, ich bin am afang ziemlich skeptisch gsi öbi das wörklich söll dürezieh.. (wenn mer ja immer so zügs liest vowege verbreche usw.. ) Aber i han’s gwogt willi ja eh extrem neugierig bin!! ;o) Ha notürlich vieli neui erfahrig und idrück gsammlet. 🙂
Leider hät mi mini afänglich euphorie schnell im stich lo.. und nochem 3.-4.Bsuäch in Dütschland isch alles was Spass gmacht hät verfloge.. 😦 (eigentlich schad..) ussert paar idrück und ä leers Portmonnaie hani jetzt nüme wörklich was..

Zum Schluss.. me hät druss glernt, d’erfahrig gmacht und ich wirds i Zuäkunft sicher anderst ago! 😉

Ps: au wenn euch das nid interessiert.. ;p mir sch… egal! *gg*

Permalink 4 Kommentare

Achtung s’Piipsi isch loos!!

18. April 2011 at 19:00 (Fun)

Hallo zäme..

Jetzt bini au no so imne Blog glandet.. *doofe gruppäzwang*.. aber mal gugge was dodrus wird 😉
bittö händ kli geduld mit mir.. ich versuäche mis beschte! ;o)

Grüässli euches Piipsi

Permalink Schreibe einen Kommentar

« Previous page