Schokobären

30. April 2011 at 13:13 (News)

Hehe..  ich blogge also doch mal no was über Bäre (de wo’s agot weiss es den scho… 😉 ) …

.. und zwar gots drum.. Lindt & Sprüngli will uf d’Aventsziit.. än „Schoggi-Goldbären“ usebringe.. also so als gegeteill zum Goldhasen wo a Ostere isch.
Jetzt chunt aber d’frog uf.. was hät än Bär mit Wiähnachte ztue? 😉 (ich find d’Idee zwar lustig.. aber gseh irgendwie no kein zämehang) .. oder es liet dra.. will „chlini“ Bäre au so kuschelig sind wie Hase? 😉 meh weiss es also nid.. und lönd üs am beschte au überrasche 🙂 ich bi ja gspannt! Eins isch sicher… Bärefans wirds freue! 😉
(lohnt sich au zum lese .. uf 20 minute .. )

Also freue mer üs mal jetzt scho uf volli Regal ide Läde mit Schokibäre… 🙂

Advertisements

Permalink Schreibe einen Kommentar

Lustig Lustig..

27. April 2011 at 18:17 (Fun)

Hüt bim schaffe isch mer das Bild id Finger grote.. 😉 (schaffe ka scho lustig si ;o) )

Permalink Schreibe einen Kommentar

Der böse Wolf

27. April 2011 at 17:51 (Was mi grad bewegt)

Jaaa der böööse bööse Wolf… immer machet alli ä ziemlichs Theater wenn mal än Wolf, Luchs usw.. es Schoof oder söst es Tier riesst.. nur verstand ich die ganzi ufregig um das ganze nid! Es sind und blibet halt Raubtier wo  ide  freie Wildbahn lebet! Und stellet eu vor.. sie händ au  ab und zuä mal hunger! 😉 (was für ein wunder..)
Also wieso wird so ä gstürm gmacht wenn mal äs Schoof oder sowas grisse wird? Isch doch schön.. wenn sich die Tier wieder könnit ilebe und Lebensruum zrug gwünne.. 😉 es ghört nid alles de Mensche!!
Afangs Monet isch au äs wolfsähnlichs Tier inne Fotofalle tappt im Kanton Obwalden..  ( Bilder gits do .. )
Bin mal gspannt wie das ganze witter got.. 🙂  wenn ihr no meh wönd drüber lese.. häts do no meh Infos.. ( Kanton Obwalden Online )

Das wärs mal wieder für hüt… 😉

Permalink Schreibe einen Kommentar

Verliebter Pinguin

26. April 2011 at 18:11 (Fun)

Ja verliebt sii das isch scho schön.. meischtens kann mer au nid gross bestimme i wär oder was mer sich verliäbt! Ond genau so isches dem kliine Pinguin au gange.. Will er unbedingt ä Partnerin gsuächt hät.. (was ja bi gwüssne Mensche au so isch^^ wo unbedingt wer wönd..) hät er sich liecht tüüsche lo.. ond hät sich in Gummistiefel vom Pfleger verliäbt.. 😉 *jöööö süässes ding sägi do nur* (also de Pinguin nid de Gummistiefel!!) :p
Sie versuächt zwar jetzt de klii uf es wiibli „umlenke“ und somit zu sim Glück kunnt.. bin spannt öbs klappet! 😉

Also das kline Pinguinli isch en Eselspinguin wo au bis zu 18 Johr alt kann werde.. i gfangeschaft sogar no älter.. und ihrem Partner sehr treu sind! 😉 (was mer nid vo allne Mensche behaupte kann! 😛 ) was mich ehrlich gseit no extrem erstuhnt das gwüssni Tier, sehr treu sind.

Woni das glese ha hanis eifoch mega härzig gfunde und denk do drüber mussi was schribe … 🙂 mal gugge viillicht bsuächi Sea Life in Konstanz no selber mal..  und gugge wie’s dem Kline Pinguin got.. 😉 Will es isch dört echt mega cool 🙂 bin au scho dört gsi woni no klii gsi bin… ;o)

Das wär’s mal wieder gsi vo mir… no witterhin viel Spass bim lese… 🙂

Grüässli Piipsi

Permalink Schreibe einen Kommentar

Rheinportal

25. April 2011 at 17:27 (Was mi grad bewegt)

Ja ich schweife mal wieder voll i Erinnerige.. woni per zuäfall uf paar Föteli gstosse bin.. 🙂
Wiäni vor paar Johr ufem  Rheinportal Network glandet bin.. und was i dört so erlebt han.. 😉 eifoch ä Ziit wo mer sich gern zrug erinneret..
Agfange hani im Chat.. mit kli umechatte.. ;o) mit Glück hani halt de eint oder ander vom dozmolige Team kenneglernt.. und so bini au selber im RP-Team glandet.. das isch im Herbst 2005 gsi.. und zwar im Bereich „QualityMgmt“ isch ä interessanti arbet gsi.. (halt so Bilder, Kommentär, Forum biträg kontrolliere) 😉 Spöter hani den witter gmacht im Event bereich.. wo’s drum gange isch.. Events in Eventkalender izträge.. und zu gueter letscht hani au nochli gfötelet.. 😉 also han alles kli gseh und usprobiert.. hät au alles Spass gmacht! 🙂
Im 2007 hät den s’Rheinportal sis 5 Jöhrige Jubiläum gha.. Leider isch das ganze den nüme unter somne guete Stern gstande.. und alles isch kli i sich zäme gfloge.. 😦

Somit blibet mir nur no die geniale Erinnerige.. womer alli zäme im Team aber au mit de User erlebt händ… wie:  s’Grümpeli ide Au, D’Rheinportal Bar ade Rhema und  Moschtifäscht, die verschiedene Open Air’s (Tufertschwil, St.Galle usw) oder d’Vereinsfeschter.. (wo eh immer zu lustig gsi sind..) oder eifoch söst spontani Usflüg womer zäme unterno händ! Meh hät wörklich de zämehalt vom Team gspüürt.. sowas hani dänoh niä meh erlebt.. was ich Persönlich au sehr vermisse.. :/
Momentan isch das ganze ziemlich Tod.. da alli älter wore sind.. s’ich das ganze usenand glebet hät.. und sich einfach d’interesse gänderet händ.. isch ja au verständlich! 😉 Ich säg dodäzuä nurno: „s’Rheinportal verbindet..“ 😉 (viellicht mag sich de eint oder ander no adas ganze erinnere! 🙂

Hoffentlich trifft mer sich alli zäme mal wieder.. mich würds freue.. 😉

Permalink 4 Kommentare

Gut oder Böse?

25. April 2011 at 11:16 (Was mi grad bewegt)

Ich han mal wieder müsse grinse.. woni de Bricht ide 20minute glese ha über die sogenannte „Anonymous‘ Angriff“ ( 20minuten Bericht ).  Es isch immer wieder interessant zum gseh.. das am afang alli begeisteret sind vo so Aktione.. öb die Aktione jetzt guet oder bööse sind.. sei dahingestellt. Das will i und kanni im beschte wille nid ischätze! 😉  aber sobald sie selber betroffe sind (wie jetzt über Ostere nid game könne) hüület sie ume! Also Kommentär lese das lohnt sich.. ich wär hüt morge fascht glege vor lache! ;o)
Ich säg jetzt eifoch mol.. zu dene wo do jetzt gross ume jammeret.. gönd doch verusse go spiele 😉 isch doch sooooo schön’s Wetter! oder wenn der so suchtis sind hängets wo innen IRC und verzellet änand vo eune erfahrige.. *grins* (Selbsthilfe Gruppe für hilflosi gamer) 😉 neii.. fertig mit fies si.. *gg*

Eigentlich hani dämit nur wälle säge.. oder zur überlegig arege.. öb d’Mensche wirklich so egoistisch sind?.. Z’erst alles cool finde.. und sobald sie selber betroffe sind.. ne das isch bööse oder passt do nid häre?..  will de Grundgedanke oder Grundziel blibt ja s’gliche.. *mir ein Rätsel bleibt*
Ähnlich laufts ja au mit dere Atomenergie diskussion ab.. aber uf das tüämmer jetzt mal nid witters igo.. 😉

So das wär’s mal wieder vo mir.. wünsch euch no witterhin äs tolls Osterweekend! 🙂 (au wenns scho fast zuende isch.. 😦 )

Grüässli euches Piipsi

Permalink Schreibe einen Kommentar

Rhema

25. April 2011 at 02:52 (Event's und Party's)

Und wieder isches sowit..  d’Rhema öffnet wieder ihri Tür vom 30. April bis 8.Mai 2011.. Natürlich ein muss für jede Rhintaler aber au anderi!! 😉
Wie jedes Johr gits wieder ä Messe und  Party Programm.
(ich persönlich bevorzuäge Party’s) 😉
Da ich euch aber kli än überblick büüte will schriibi do kli alles dri! 🙂

Zur Messe:

Öffnungszeiten

Sonderschauen

mal die wichtigste Infos zur Messe.. also ich kann däzuä nur säge.. ide letschte Johr häts immer spannendi sache au ide Ustellige gha.

Zum Abendprogramm / Partyprogramm

Partyprogramm

De Partybereich isch i 3 Zelt ufteilt… (Appenzellerzelt, DiscoDrom und Treffpunkt Lounge)

Also so wiän ich de Anlass kenneglernt hät isches än bsuäch wert! Wieni obe scho gschriebe einfach ein muss für alli Rhintaler und Ostschwiizer! es isch eifoch wiä än grosse Treffpunkt für Jung und Alt! 🙂
Ich werd ziemlich sicher a einte Weekend awesend sie.. viellicht siäht mer de eint oder ander? 😉 wär echt cool!!

Also de Event dörfet ihr uf kei fall verpasse! 😉

Ps: witteri Infos findet ihr unter Rhema !!

Permalink Schreibe einen Kommentar

Nerverei im IRC oder sonst wo? (Teil 2)

24. April 2011 at 21:09 (Was mi grad bewegt)

Mini ganz müäh zu dem Blog itrag hät sich wohl nid glohnt… au än kommentar i dem entsprechende Blog hät nur bewirkt.. das ich anschiinend bi dere Person undedüre bin…
Also siähni kei Zuäkunft meh mich für sowas no isetze.. bin ab sofort dört nüme im Team und werds au miide.. setze mini energie liäber für de Blog i und für anderi Projekt die mir meh am Herze lieget..!
Wünsch euch no ä schöni Ziit ufem andere Netzwerk..

Tschööö Piipsi

Permalink 4 Kommentare

Ostergrüsse vom Bodensee

24. April 2011 at 09:12 (Fun)

Ich wünsche euch allne ganz schöni Ostere!! 🙂

Und sinder scho alli fliessig am Osternäschtli und Eier suäche? ;o) Hoffentlich findet ihr schön vieli *grins*

Also ich han mis Osterhäsli scho gfunde… 😉

Viel Spass no witterin uf mim Blog.. 🙂

Euches Piipsi

Permalink Schreibe einen Kommentar

Nerverei im IRC oder sonst wo?

24. April 2011 at 01:10 (Was mi grad bewegt)

Äs beschäftigt mich mal wieder ziemlich das IRC-zügs.. oder au söst so „nervereie“ .. durend ghört mer oder liest mer wo imne Chat oder Blog.. wie anderi Chat’s oder Lüüt „schlecht“ gredet werde.. oder über die gmotzt wird.. Mini überlegig isch eifoch… für was muss mer ander schlecht mache? wenn mer will besser si als ander, schafft mer das au mit eigener kraft oder Isatz! Jede wird sini eigete erfahrige glich wölle mache! Also bringts nix.. wenn mer durend hetzereie startet gege anderi „Gruppe“…
Die letschte Täg fallts mer halt wieder extrem uf.. ussert no meh stress und künstlichi ufregig wirds nid viel meh geh.

Ich han kein Plan ob ich mit mim Itrag gwüssni Lüüt erreiche ka oder nid.. (grundsetzlich au scheiss egal :p) Aber überleget euch doch mal öpis.. anstatt durend euri Energie/motivation i hetzereie isetze.. bruchet und setzet das ganze i euri eigete Projekt.. (was es au immer isch).. nur dur euer eiget Isatz im eigete.. könnt ihr au anderi Lüüt überzüüge… und nid dur schlecht rede! 😉

De Spruch hät halt irgendwie scho was wohr’s dra.. 😉 und i versuäche de so guet wie möglich au umsetze!  -> „Die Kritik an anderen hat noch keinem die eigene Leistung erspart..“

Mini hoffnig isch eifoch.. das mer im IRC mal alli zäme friedlich chönnet zämehocke! (ob das wohl nur än Traum wird blibe? meh werds gseh… ) 😉

So i dem Sinn wünschi euch no ä gueti Nacht.. und denket bittet kli drüber no… 🙂

Euches Piipsi

Permalink 1 Kommentar

Next page »