Delfin stirbt…
Dass man alles immer übertreiben muss..?!
Vor einer Ziit isch än Artikel innere Ziitig gsi, das imne Freiziitpark söll ä Techno Party statt finde. Tierschützer und Co. sind dozmol scho sturm glaufe.. mitem Grund: Tier werdet dur so Aläss no extremer gstresst. Leider isch kli meh als ä Wuche spöter ein Delfin i dem Freiziitpark unerwartet gstorbe.. Vo Krankheite usw.. sei nix bekannt gsi und er hägi sich au normal verhalte.
Min Gedanke jetzt.. hät de Tod vo dem Delfin wörklich was mit dere Technoparty ztue? oder isches eifoch än doofe zuäfall gsi?
Ich Persönlich glaube, Ja es hät än zämehang! Oder anderst gseit, sicher än mitgrund. Als alleinige Grund würd ich säge nei.. aber wenn viel so situatione zämechämit kanns sicher was so uslöse.
S’einzig was ich a dere Gschicht nid verstande.. Wieso macht mer imne Freiziitpark mit Tier so ä Technoparty? Das Tier allgemein uf so Lärm viel lüüt usw gstresst reagieret isch wohl jedem klar.. au wenns nid grad offesichtlich isch. Tier merket oder gspüüret eifoch meh als mir Mensche!
Äs isch eifoch schad das sinnlos so ä Tier stirbt! .. 
Hoffe stark das jetzt entlich das ganze Delfinshow zügs verbote wird.. die kann mer eifoch nicht Artgerecht halte.. und nur zum paar Lüüt z’unterhalte sind die Gschöpf nid do!
So jetzt hani aber gnuäg quatscht… was meinet ihr zu dem Thema? 
psyboo sagte,
10. November 2011 um 09:07
Vo wägä vo Krankheite segi nix bekannt gsi:
Bereits am 20. September habe ich dem Thurgauer Kantonstierarzt ein Foto des jetzt verstorbenen Delfins «Shadow» (Bild oben) geschickt, mit der Bitte das Tier zu untersuchen. Der Delfin litt bereits damals unter extremen Hautveränderungen, was auf eine Krankheit hindeutet. Der Tierarzt hatte mir versprochen sich darum zu kümmern. Leider habe ich bis heute nichts von ihm gehört.
Quelle: http://www.20min.ch/news/ostschweiz/story/-Sieben-tote-Delfine-sollten-genug-sein–17456347
S Connyland stoht sit jeher scharf i dä Kritik wägä absolut katastrophale Zuäständ i ihrer Delfinhaltig. Es wundered mi echt nöd das denä ein Delfin nach äm andere verreckt (7 Delfin i 3 Jahr !!!).
Piipsi sagte,
10. November 2011 um 21:56
Ich bin immerno dä meinig sie söllet sich endlich entscheide.. Freiziitpark oder Tierpark (Zoo) beides got nid!
psyboo sagte,
10. November 2011 um 22:16
I bi immerno dä Meinig s Connyland söll doch eifach zuä tuä … die händ nünnt, sind nünnt und chönd nünnt …